هل أنت مؤمن حقا؟؟؟!!!

السلام عليكم ورحمة الله
أخوتي في الله
عندما حدثت محنة غزة القديمة الحديثة لم أكن أتصور أن هناك أدنى تخيل أن هناك من لا يتعاطف مع فلسطين وما يحدث في غزة من العرب والمسلمين بالذات ففي ظني أن ذلك قضية محسومة ومنتهية
الصهاينة مغتصبي ارضنا ويعتدون بوحشية وبربرية على كل ما هو اخضر ويابس البشر والحجر لكن الحقيقة ان هناك من له رأي مختلف وهو بحق ما صدمني بل ان أحدهم له اراء مفزعة لحد كبير تفتقد حتى الانسانية ولا تمت للانصاف بصلة ولعل ما فيه هؤلاء يستند الى عدم فهم القضية وعدم الالمام بجوانب الموضوع وناهيك عن الاعلام الذي يهدف الى ارساء قاعدة مخالفة للواقع وبث مزيفات هدفها طمث الحقيقة وتحويل الانظار الى الخلافات بيننا وتوجيه النظر لقاعدة فرق تسد فيظهر من احاديث الناس في بداية اي نقاش او حديث (((انتي عاجبك الفرقة والخلافات بين فتح وحماس))))
دون النظر فيما فعلته المقاومة في المحنة ودون النظر لان الاهم في الوقت الحالي هو مقاومة المغتصب والصهاينة وننقد أنفسنا فيما بعد
واليكم بعض أحاديث فعلية خضتها بالفعل وإليكم ما دار فيها بالحرف

** ****************************

بداية كنت قد ارسلت أحد روابط موضوعات عن غزة وجاءني الرد
Õ): السلام عليكم انتى بكلامك عن غزة بتطبقى الحديث الشريف
Õ): قال رسول الله صلى الله عليه وسلم (انصر اخاك ظالما او مظلوما ) ........رغم انى بصراحة بكره الفلسطينيين كره الطفل للفطام
nono): وعليكم السلام ورحمة الله
nono): ايه الكلام دة
Õ): بجد انتى اصلا ما عاشرتيش اى فلسطينى
Õ): زيك زى ناس كتير متعاطفة معاهم
Õ): وناسية انهم هما اللى السبب فى اللى هما وصلو له
nono: فيه حد بيتسبب لنفسه في شقاء 60 سنة كدة لوحده
Õ): يا سيدتى لو تفحصتى التاريخ بدقة
nono: للاسف السبب في اللي هما فيه هو اللي حضرتك بتعمله دلوقتي بس على المستوى الاكبر
Õ): شكرا
nono: ؟؟؟؟
Õ): ايوة شكرا طبعا
Õ): لانك زي اى حد بيفكر بعواطفه وبس
nono): لا والله انا بفكر بعقلي
nono): في الموضوع دة بالذات
nono): لان احنا سايبين اليهود وبنقطع في بعضنا
nono): هو دة اللي جايبنا ورا
Õ): العقل يقول اننا نكون الاول سلوكنا من قديم الازل وبعدين نبقى نلوم الظروف
nono): ايوة
nono): ايام السلامات

nono): هما وقفوا معانا وبعدين ما رضيوش يمضوا اتفاقية سلام صح؟ تهكم مني
Õ): مش كده وبس والله
Õ): انتى لو عاشرتى فلسطينى واحد Õ): كنتى عرفتى مقصدى
Õ): وعرفتى انهم فى قمة السعادة باللى بيحصل لبعضهم فى غزة
nono): لا حول ولا قوة الا بالله

nono): انا برضه متضايقة من الفلسطينين اللي بالاسم بس
nono): المليونيرات اللي خارجها ومتنغنغين

nono): وسايبين الدنيا في بلادهم خربانة مع برضه عدم معرفتنا التامة بكل اللي بيحصل جايز بيساعدوا وبيعملوا حاجات كتير واحنا ما نعرفش
nono): لكن دة لا يفقد القضية الاساسية رونقها
Õ): البلد مش خربانة ولا حاجة
Õ): دى حوادث على الاطراف وبس
Õ): يعنى على القلة منهم
Õ): لكن الاكثرية عايش فى فلسطين وهوا فى قمة سعادته
nono ): 450 شهيد واكتر من الفين جريح
nono): دول على الاطراف (((طبعا لان المحادثة كانت يوم 4 ينايررابع يوم ضرب غزة
Õ): ايووووووووووووة
Õ): لو عايزة تزعلى بجد على الجرحى والشهداء
Õ): كنتى زعلتى على جرحى وشهداء مصر فى اكتوبر
Õ): صحيح ربما تكونى انتى لسة مش موجودة عل ظهر البسيطةلكن انا شفتها وعيشتها في القصر العيني والمعادي
nono): ومين قالك اني ما زعلتش على اي دم لمسلم بيدافع عن دينه ووطنه طبعا لا نزكيهم على الله نحسبهم شهداء
nono): اللي مخلي الواحد زعلان هو الموجودين
nono): مش اللي بيموتوا وبس
Õ): لكن دول شعب بجد يستحق ما هوا سبب فيه والله بجد
Õ): ولو قلنا لفظ يهووود فأنا بعتبرهم طول حياتي هما اليهود
nono): الكلام اللي بتقوله دة ستسال عليه يوم القيامة
Õ): انا لا اتجنى عليهم بجد
Õ): لكن انتى اللى بتفكرى بعواطفك
nono): لا حول ولا قوة الا بالله
Õ): وسبحان الله
nono): حضرتك شمتان في العيال الصغيرة اللي بتموت ولتقول شعب يستاهل اللي هو فيه
Õ): لالالالالالالالالالالالا
nono): واهاليهم والمناظر اللي شفتها دي
Õ): ليست شماتة والله
nono): وبتدي لليهود عذر في اللي بيعملوه دة
Õ): انا ما اتكلمتش عن اليهود
Õ): انا بقول انهم السبب فى اللى هما فيه
Õ): بقلة تمسكهم بالدين
nono): مالناش دعوة متمسكين او لا المهم انهم مسلمين مسلميين يراق دمهم على يد الصهاينة اليهووود
nono): يعني احنا نايمين قايمين على السجادة يعني
nono): ولو حصل لنا حاجة زي دي
nono): هتقبل يتقال لك ما انتوا ما بتتمسكوش بالدين وانتوا فيكم اللي بيشرب سجاير وبيتفرج على منكرات ما هودة برضه مش تمسك بالدين وينكروا احقيتك في ارضك وما حدش يقف جنبك بل ويقفوا ضدك كمان؟
Õ): انا عن نفسى عاشرت كتير منهم
Õ): وشوفت منهم اللى عايزة تقوليه قوليه
Õ): وعموما فى النهاية لا يجوز الا اننا نترحم على موتانا وموتاهم
nono): وندعي ان ربنا يقف معانا ومعاهم ونتحد في وش اليهود والا اكلت يوم اكل الثور الابيض
nono): مش نقوي شوكة اليهود لمجرد انهم عصاة مثلا
nono): اذا كانوا هم مسلمين فيهم عصاة فهم مش كفرة انما اليهود دول مغضوب عليهم ومطرودين من رحمة ربنا
Õ): امنيتى انك ما تاخديش كلامى بجد على انه شماتة استغفر الله
Õ): لكن انا دايما مقتنع بانهم هما سبب اللى بيعيشو فيه
nono): وليكن غلطوا زمان وهكلمك بمنطقك انت
nono): طيب ابتدوا يعرفوا انهم غلطوا وعاوزين حريتهم وأرضهم هنفضل نعاقيهم طول العمر
nono): وطلبوا المساعدة والنجدةباي طريقة ممكنة
nono): يبقى لازم نتحد ونتقي الله
Õ): ده مطلب دينى
Õ): عموما بجد مش عايزك تزعلى لكلامى
Õ): لكن حبيت بس اوضح نقطة غايبة عن اعيننا كلنا
nono): للاسف مش عارفة اناقشك لاني اتفاجئت بجد
nono): مش من كلامك لوحده وبس لا ضيف عليه مواقف متخاذلة وواضحة وضوح الشمس حوالينا
Õ): انا اسف لازعاجك بالصورة دى
nono): للاسف حاسة ان فعلا الزمن دة بقى زمن صعب الحياة فيه
nono): وما عدتش فيه امكانية تحقيق اذا اشتكى منه عضو تداعى له سائر الجسد بالسهر والحمى
nono): لكن خلاص النظام بقى اذا اشتكى منه عضو ابتره وادفنه
وللعلم دار هذا الحديث يوم 4 يناير وهذا رجل تعدى الاربعين من عمره ودار بيني وبين اخت نفس العمر تقريبا ومفاده نفس ما دار هنا
وانتهى على ذلك
======================================



نموذج اخر لشاب أيضا تركت له رابط عن غزة وجآني الرد مفزعا عبر الاوف لاين اللعين
s))على ايه يا حسرة دول أو_______ شعب
nono: هما مين دول اللي ------ شعب

nono: طيب هما او ---- شعب
nono: اللي بيتعمل فيهم حلال من وجهة نظرك كدة
nono: اعتقد حضرتك محتاج شوية قراءة لتصحيح المفاهيم او اقله لتكون منصف بلاش من وجهة نظر دينية بما انك علماني
nono: خليها من وجهة نظر انسانية
nono: تحياتي


s: سلام عليكم
nono: وعليكم السلام
s: حضرتك ممكن اعرف ايه اللفظ اللي ضايقك اوي كده

nono: s: علي ايه يا حسرة

s: دول ---- شعب
s: اها
s: طيب وحضرتك عندك حجة تقولي بيها عكس كده

s: ؟؟

nono: الظاهر انك ما تحبهمش او عندك تجارب مع شعب فلسطين بالكامل يخليك تقول عليه كدة

s: حضرتك ممكن اعرف في دور الفلسطنين بالخارج
nono: اقدر انا افهم ليه توصف شعب باكمله بالوصف دة
s: فين عرب 48
s: فين اثرياء فلسطين في مصر؟
nono: كام هما مليون 2 مليون
s: مش الاولي اهل الصعيد بالتعاطف الشعب ده؟
nono: الكل مسلمين
nono: والكل نسيج واحد
s: طيب الجار اولي؟
s: ولا ايه رايك؟
nono: التعاطف هنا على قدره هنا والا تعالى قولي مين يستحق ان ابوك وامك يحبوه اكتر انت ولا اخوك؟؟؟
nono: الجار و في الصعيد والفلسطيني وووو كل له اهميته
nono: ودة لا ينفي مسئوليتنا عن الكل
nono: الصعيد الجار فلسطين مسلم في اوربا في بلاد موزمبيق
nono: كل دول مسلمين
nono: كل حد له حق
nono: حق الاسلام
nono: بايخ كلامي الظاهرمش عاجبك
nono: عموما اشكرك انك مهتم بانك تستفسر مني
nono: سلام عليكم
هنا ولم يتفوه بكلمة

====================

خبروني اي منطق يتحدثون به هؤلاء ومن على شاكلتهم؟؟؟!!

هل تحقق فينا الايمان بالفعل؟؟؟

قال صلى الله عليه وسلم ((((( لا يؤمن أحدكم حتى يحب لأخيه ما يحب لنفسه))))

فهل نحن نؤمن بهذا الحديث ونطبقه حقا؟؟؟؟؟

وقال ايضا(((مثل المؤمنين في توادهم وتراحمهم وتعاطفهم مثل الجسد الواحد إذا اشتكي منه عضو تداعي له سائر الجسد بالسهر والحمي هذا الحديث الشريف رواه كل من البخاري ومسلم ...))))

كيف تكون مسلم مؤمن بما جاء به المولى سبحانه وتعالى ورسوله صلى الله عليه وسلم ؟؟؟؟ الا بان تؤمن ما جاء به المولى ورسوله بل وتطبقه أيضا وتفعل به

فهل نفعل ذلك وهل ذلك يتحقق بما قالوه لي الاخوة هنا وغيرهم؟؟؟؟

أين أحبتي قول نبينا صلى الله عليه وسلم

((((المؤمن للمؤمن كالبنيان المرصوص يشد بعضه بعضاً ) )))،

أليس من أجل أن يكون المؤمنون قوة .... لابد من وحدة قوية متماسكة البنيان ، وصف واحد كالبنيان المرصوص يشد بعضه بعضا؟؟؟،

أليس قوة المؤمنين في وحدتهم ، وأن ضعفهم في تفرقهم أليس كذلك؟؟؟!!!

فمتى سيتحقق ذلك فينا ؟؟؟

هيا فلنسأل أنفسنا جميعا

هل نحن مؤمنون حقا؟؟؟؟؟؟؟

تحديــــــــــــــــــــــــــــــث هام

برجاء قراءة نصوص الإتفاقية الأمنية بين الصهاينة وأمريكا على مدونة المهندس الحسيني لزومي مواطنون ضد الشعب اضغط هنا